Eide Gard
Søkjer du fred og ro, ei god seng for natta og heimelaga mat til frokost, finn du svaret på Eide Gard. Garden er eit restaurert vestlandstun frå 1800-talet med sjel, varme og tradisjon i veggene.
Foto: Tove V. Bråthen
Her kan du kan oppleva det opphavlege Vestlandet. Frå Eide har du vakker utsikt over fjord og fjell, og for ikkje å gløyma den maleriske raudnande kveldshimmelen. Fornminne heilt frå steinalderen vitnar om at Eidegarden var ein stad der folk ferdast. I bronsealderen vart dei meir bufaste. Dei siste 150 åra har same familien budd på dette bruket. I tidlegare tider var Eldhuset hjarta i tunet. Slik er det i dag også. Med god mat, varme på grua og alle talgljos tende, er det få som klagar på stemninga. Vedskjulet, eit grindahus, er gjort om til Gildeskål - eit lokale for små og store samkomer. Om du ønskjer ein tur til fjells, er det merka stig. I fjellvatnet kan du væta fiskesnøret eller berre la roa få lov å siga innover deg. For deg som søkjer kultur, natur og tradisjon, er Eide Gard staden.
Meir om Eide Gard.
