I Heilag-Olavs fotefar - nedre Valldal
-
I Heilag-Olavs fotefar - nedre Valldal
- Kong Olav Haraldsson (Heilag-Olav) var på flukt i 1028 gjennom Valldalen. Ferda er vigd stor merksemd i Snorres kongesoger, og gav også opphav til ei mengd forteljingar.
- 62.2992195155 7.26196289062
-
- Kulturhistorie
I Heilag-Olavs fotefar i Valldal.
Du kan følgje Heilag-Olavs fotefar gjennom Valldalen på ein to-delt fottur, i nedre og øvre Valldal. Den første delen går frå fjorden fram til Døving, og tilbake same vegen. Den andre delen startar ved Gudbrandsjuvet på Alstad oppe i Valldalen, og fører gjennom Skjersura med retur via Gamlevegen langs Valldalselva.
For å følgje Heilag-Olav i nedre Valldal, vil vi anbefale å starte frå ferjekaia i kommunesenteret i Valldal (Sylte). Herifrå kan ein gå den gamle Syltegata opp til Moabrekka, der skilt viser stigen som tar av frå bilvegen, opp forbi Syltemoa og skuleområdet, og til sjølve Korsbrekka med korset. Ein del av stien her er nokså bratt, men jamn og fin å gå på.
På Korsbrekka er infotavle og vegvisar vidare, og ein kan gå den gamle Olavsvegen under Syltefjellet, til Ødegård og Døving. Herifrå kan ein anten gå same turen tilbake til ferjekaia, eller ta bil framover dalen til Alstad.
Kulturminner
Ei storhending - kongen kjem!
Sylte (Valldal) er kommunesenteret i Valldal. Ved dei store øyrene som i eldre tid låg her, landa kong Olav Haraldsson (Heilag-Olav) med fem skip og om lag 400 mann i desember 1028.
Sylte hotell
Sylte hotell har hatt besøk av kong Haakon og kronprins Olav. Men det var Heilag-Olav, som drog forbi her 800 år før hotellet var bygd, som sette mest spor etter seg!
Her var alt samla
Frå gammalt av var Syltegata bygdesenteret for valldalsfolket. Denne gatestubben frå kaia og oppover langs foten av Syltefjellet har mange forvitnelege bygningar og ei særprega atmosfære.
Sylte kyrkje
Kyrkja på Sylte har ei gåtefull forhistorie. Tidleg på 1600-talet miste valldalsfolket soknekyrkja si - og først etter 250 års strev fekk dei tilbake kyrkja.
Utsikt frå Olavsvegen til Gullåa
Frå Korsbrekka drog Heilag-Olav vidare til Alstad. Vegen er den dag i dag kalla Olavsvegen, og herifrå er utsyn til fjellet Ormula. Der er eit dalsøkk med vatnet Gullakoppen som det går segner om.
Bautasteinen for Døving kapell
Kapellet på Døving skal "være bygget i Catholske tider" og var kanskje den eldste kyrkja i Norddal. Kvifor vart det reist kyrkje her?
