Fånefjell vegmiljø – nasjonalt verna vegminne
TURVEG Dei gamle vegane over Fånefjell er restaurert av Bygland kommune og Statens vegvesen. Sørenden av 1923-vegen med halvtunnelar er dessverre stengt for publikum på grunn av rasfare. 1842 /1870-vegen over fjellet er open som turveg. Ein merka stig på toppen går ut til ein rasteplass på kanten av fjellet. Her er storslegen utsikt over Byglandsfjorden.
VERNEVERDIG KULTURMINNE Dei ulike generasjonane vegar over Fånefjell viser utfordringane i vegbygginga før moderne utstyr gjorde det mogleg å sprengje tunnelar gjennom fjellet. Dei ulike bevarte generasjonane vegar viser korleis dette har vore gjort på ulike måtar gjennom meir enn 500 år. Vegmiljøet i Fånefjell har derfor nasjonal verd som kulturminne. Vegmiljøet er med i Statens vegvesens ”Vegvalg – nasjonal verneplan for veger, bruer og vegrelaterte kulturminner”.
KULTURMINNEÅRET I samband med kulturminneåret 2009 blei det på kulturminnedagen 13. sept. arrangert vandring langs vegen. Arrangement og infoskilting var eit samarbeid mellom Bygland bygdekvinnelag og Statens vegvesen. Les meir..
Kulturminner
Vegane over, rundt og gjennom fjellet
VASSDRAGET VIKTIG Frå gammal tid var Otra livsnerven for samferdsla gjennom Setesdal. Her blei gods og kløver frakta på føringsbåtar, medan hestar og folk kunne ferdast til lands.
Fruktdyrking i Fånekleiva
FYLKESGARTNAR TOMAS LANGERAK (1888-1949) arbeidde ivrig for at jorda skulle utnyttast best mogeleg og for at mange hender skulle kome i arbeid. I heile fylket, og ikkje minst i Setesdal, vart det planta frukttre og bærbuskar på kvar ein gard.
